نظم۔ایک شام

تمہاری یاد نے جب کان پکڑے

تمہاری آہٹوں نے زور پکڑا

یہاں ویران دل کی بستیوں میں

 قیامت کی سحر تک برف گرتی

یہ خونِ دل ہمارا جم نہ جاتا

اگر زلفوں سے تیری خم نہ جاتا

مری فریاد سنتے ٹھیک ہوتا

مرے ٹکڑوں کو چنتے ٹھیک ہوتا

جواں لاشوں پہ پلتے چیل کوّے

تمہاری آنکھ میں اچھا نہیں ہے

نظارہ اسلئے مجبور ہوں میں

سمجھتے ہو بہت مغرور ہوں میں

جہاں یوسف نبی تھے قید اپنے

وہاں بھی لاکھ چوہے گھومتے ہوں

مگر پھر حسن نے فطرت نہ بدلی

!مکرم عشق نے خصلت نہ بدلی

خیالوں سے اٹھا تو چیخ اٹھا

کوئی گر آپ میں انسان ہوگا

مرا گھر پاس ہے مقتل کے یارو

وہاں پر پول پے بتی جلی ہے

وہاں جاکر مرا پیغام بھیجو

کہ ان کا لاڈلا کس حال میں ہے

سرِ طوفان کشتی کھول دی ہے

نہ جانے کس بلا میں دل لگا ہے

نہ جانے کیا وظیفہ پڑھ رہا ہے

یہ کب سے خود سے باتیں کر رہا ہے